Mga miembro kag pensioners sang GSIS sa Iloilo province, mahimo na maka-apply sang calamity loan
By: JoMaque | June 27, 2019, 8:15 AM
Iloilo — Mahimo na maka-apply sang calamity loan ang mga miembro kag pensioners sang Government Service Insurance System (GSIS) nga pumuluyo sa probinsya kasunod sang pagdeklarar sang state of calamity bangud sa problema sa tubig.
Suno kay GSIS-Iloilo Manager Marciana Bata, mahimo maka-loan sugod subong nga adlaw tubtob sa Hulyo 25.
P20,000 ang mahimo ma-loan, apang P40,000 naman sa mga may wala pa naimpasan nga emergency loan sa GSIS.
Mahimo suno kay Bata nga magpadulong sa pinakamalapit nga opisina sang GSIS kag magdala sang UMID card ang mga interesado nga mag-loan.