Incoming Iloilo City Mayor Jerry Treñas, emotional naman sa iya oath taking

By: Aine Grace Bravo | June 28, 2019, 6:30PM

via Aksyon Jeremae Ventar

Iloilo City — Nangin emotional si Mayor-elect Congressman Jerry Treñas sa iya speech sa Oath-taking ceremony sa Iloilo Convention Center kaina sang aga.

Samtang nagapahid sang luha, ginpasalamatan ni Treñas ang iya pamilya nga nagsuporta sa iya sang eleksyon.

Ginpahayag ni Treñas nga ini ang “worst” political campaign nga iya na eksperiyensyahan.

Ginplastar ni Treñas ang iya mga plano kon makapungko na.

Pila sa mga ini amo ang:

*pagtukod sang Intelligent Transport System agud mabuhinan ang mga vehicular accidents;

*Pag-provide sang mas maayo nga access sa tubig ilimnon;

*Pagpadayon sang feeding program kag vaccination sa mga kabataan;

*Pagpatindog sang Iloilo City Hospital and Dialysis Center para sa mga pigado;

*Pag-upgrade sang Iloilo City Community College, pag- provide sang edukasyon sa mga City Hall employees kag teachers kag butangan sang aircon unit ang tanan nga day care centers;

*Pag-rationalize sang Esplanade operations; panamion ang public plazas;

*Pag-promote sang waste to energy agud mag-improve ang waste management;

*Pag-rehabilitate kag pagproteher sang suba, coastal kag marine areas; kag

*Pag- upgrade sang slaughterhouse kag public markets.