May permanent vacancy sa office of the Mayor sa Janiuay — DILG 6
By: JoMaque | June 30, 2019, 8:28 AM
DILG 6, Iloilo City – May permanent vacancy sa Office of the Municipal Mayor sa Janiuay bangud convicted si Mayor-elect Frankie Locsin sang Sandiganbayan sa kaso nga graft and corruption kag gin-affirm sang Korte Suprema ang conviction.
Suno kay DILG 6 Director Engr. Ariel Iglesia, mapungko nga mayor ang elected vice mayor, paagi sa rule of succession, nga si Dr. Ben Margarico.
Kon mag-assume na si Margarico nga mayor, ang number 1 Sangguniang Bayan member ang mangin Vice Mayor (base gihapon sa rule of succession), nga magaresulta sang permanent vacancy sa SB.
Pagapun-an ang bakante sa SB paagi sa appointment. Ang magapungko nga bag-o nga SB member, magahalin sa partido sang nag-cause sang vacancy (nga amo ang number 1 SB member nga nangin vice mayor).
Nagpaguwa si Iglesia sang Advisory nga nafetsahan Hunyo 27, 2019 nga na-address kanday DILG Provincial Director Teodora Sumagaysay kag Mary Jean Fantonalgo, Municipal Local Government Operations Officer sang Janiuay, angut sa pag-assume sang vice mayor bilang mayor.
‘STATUS NI LOCSIN’
Naka-hospital arrest si Locsin bangud sa tatlo ka balatian.
Hunyo 3 sang gindakup siya sang NBI 6 agents bangud may warrant of arrest halin sa Sandiganbayan sa kaso nga graft and corruption.
Suno kay NBI 6 Executive Officer Atty. Ramilo Quinto, padayon nila nga ginabantayan si Locsin, base man sa mandu sang Sandiganbayan.
Nagpaguwa man sang mandu ang Sandiganbayan sang Hunyo 10 sa chief sang Western Visayas Medical Center nga i-examine si Locsin kada semana agud mahibaluan ang iya medical status.
Kon madeterminar nga ‘fit to travel’ na si Locsin, ibiyahe siya suno sa Sandiganbayan sa New Bilibid Prison sa Muntinlupa City agud serbihan ang iya sentensya.
‘BACKGROUND SANG KASO’
Nag-ugat ang kaso sa maanomaliya nga pagbakal sang Janiuay LGU sang bulong sang si Locsin pa mayor kag presidente sang League of Municipalities of the Philippines-Iloilo Chapter.
Sa Pebrero 23, 2015 nga desisyon sang Sandiganbayan, nabutang nga:
“WHEREFORE, judgment is hereby rendered among accused FRANKIE H. LOCSIN; CARLOS C. MORENO, JR; RAMON T. TIRADOR; LUZVIMINDA P. FIGUEROA; RICARDO S. MINURTIO kag RODRIGO S. VILLANUEVA GUILTY beyond reasonable doubt as charged in the Information and sentencing each of them to suffer the indeterminate penalty of six (6) years and one (1) month as minimum to ten (10) years as maximum, and to suffer perpetual disqualification from public office, and to proportionately pay the cost.”
Sa Entry of Judgment sang Korte Suprema nga naga-certify sang Resolution sang Setyembre 14, 2015, nabutang sa dispositive portion ang:
“… WHEREFORE, the instant petition is DENIED. The Decision and Resolution of the Sandiganbayan in Criminal Case No. SB-08-CRM-0381, dated 23 February 2015 and 08 June 2015, respectively, are hereby AFFIRMED. SO ORDERED.”
Nangin final and executory ang Resolution, kag na-record sa Book of Entries of Judgments sang Korte Suprema sang Marso 20, 2019.