2 pilason sa away sang mag-tiyo sa Banate

By: JoMaque | July 1, 2019, 9:24 AM

Banate, Iloilo — Pilason ang hinablos matapos ginlabu sang iya tiyo gamit ang espading sa Juanico, Banate kagab-i, Hunyo 30.

Madamo ang pilas sa lawas ni Henry Lizada, 39 anyos nga residente sang amo nga lugar. Suspek naman ang iya tiyo nga si Josan Diaz, 40 anyos.

Suno kay Police Captain Genesis Roque, hepe sang Banate Police Station, hinubog kag wala pag-intiendihanay ang anggulo nga ila ginasundan.

Halin suno sa iya sa birthday party ang duha kag ginpahayag nga nasumbagan ni Diaz ang iya hinablos.

Ginsunod sa balay sang biktima ang iya tiyo agud magbalos pero nagkuha sang espading ang suspek kag ginlabu ang biktima.

Magluwas kay Lizada, napilasan man si Alyas Toto, ang menor-de-edad nga bata sang suspek matapos nagtambag sa inaway.

Padayon nga ginabulong sa ospital si Lizada samtang preso naman sa Banate Police Station ang suspek.