3 pulis nga ginreklamo nga wala nagbayad sang bill sa club sa City Proper, gin-restrict sa Kampo Delgado

By: Aine Grace Bravo | July 1, 2019, 6:30PM

via Aksyon Dave Bucayan

Camp Delgado — Ginkonfirmar ni Police Lieutenant Colonel Mannan C. Muarip , OIC sang Regional Headquarters Support Group, nga restricted na sa Kampo Delgado ang tatlo ka pulis nga naulamid sa eskandalo sang una ginreklamo nga wala nagbayad sang bill sa club sa City Proper.

Suno kay Muarip, gin-disarmahan niya ang mga involved.

Ginhingyo niya man nga indi paghingadlan ang mga ini samtang nagapadayon ang imbestigasyon sa natabu.

Base sa impormasyon, una nga nagbalibad magbayad sang ila bill sa club ang naka-sibilyan nga mga pulis, pero nagbayad sang ulihi sang nakita ang nagresponder nga mga pulis.