Banda, pagsaut kag pagkanta kada semana kag buffet sa meeting sang department heads, pagadulaon ni Mayor Jerry Treñas

By: Aine Grace Bravo | July 1, 2019, 6:30PM

via Aksyon Jeremae Ventar

Iloilo City — Wala na sang banda sa City Hall kada Lunes kag wala naman sang may makanta kag masaut kada semana.

Gin-anunsyar ini ni Mayor Jerry Treñas sa iya Thanksgiving Mass kaina sang aga.

Suno sa alkalde, dulaon niya man ang buffet sa meeting sang mga department heads.

Ginpahibalo man ni Treñas nga indi siya magsakay sa private elevator bangud gusto niya ma-eksperiyensyahan ang na-eksperyensyahan sang mga ordinaryo nga mga empleyado. Pero nagpasalig siya nga pa-ilisan niya kun kinahanglan ang elevator.

Una na ginpahayag ni Treñas nga pagakanselahon niya ang kontrata sang mga salakyan nga ginbakal sang nagligad nga administrasyon nga wala pa ma-deliver, bangud ginpahayag nga sobra ka mahal.

Mabakal suno sa iya ang syudad sang mga salakyan para sa police, apang baklon sa husto nga presyo.