Biyahe sang mga sakayan pandagat, normal bisan malain ang tiempo suno sa Coast Guard

By: Aine Grace Bravo | July 1, 2019, 6:30PM

via Aksyon KhenJo Terco

Iloilo City — Normal ang biyahe sang mga sakayan pandagat subong nga adlaw sa pihak sang malain nga tiyempo.

Suno kay Coast Guard Iloilo Station Commander, Comm. Perlita Cinco, naka-monitor sila agud gilayon nga maka-kanselar sang biyahe kon magbaskug ang ulan kag magdalagku ang balud.

Mga ala-1:25 kaina sang hapon, ginpa-untat ang biyahe sang mga pump boats halin Iloilo pa-Guimaras vice versa bangud sang ‘low visibility’ pero ginbalik man sa normal ang biyahe pagkatapos sang pila ka minutos.

Wala naman sang pagkanselar sa biyahe sang mga fast craft kag RORO vessels halin Iloilo pa-Negros kag vice versa.