Governor Toto Defensor, naghingyo sang full support sang mga empleyado sa Kapitolyo sa iya labing una nga flag ceremony bilang gobernador

By: Aine Grace Bravo | July 1, 2019, 6:30PM

Via Aksyon Mario Gelongo

Provincial Capitol — Naghingyo sang full support sa mga empleyado sang Kapitolyo si Governor Toto Defensor.

Ini ang mensahe ni Defensor sa iya labing una nga flag ceremony bilang gobernador kaina sang aga.

100 porsyento ang attendance sang mga department heads nga gilayon ginsapol ni Defensor pagkatapos sang ceremony.

Nangayo man sang briefing ang gobernador kay Provincial Disaster Risk Reduction and Management Council Executive Officer Jerry Bionat sa sitwasyon sang probinsya bangud sang malain nga tiempo.

Liwat nga nagpasalig si Defensor nga suportahan ang mga programa sang kada department.