May 24, 2022

Klase halin pre-school tubtob Senior High School sa syudad, ginsuspender subong nga adlaw bangud sang pag-ulan

Read Time:46 Second

By: Aine Grace Bravo | July 1, 2019, 6:30PM 

via Aksyon Jeremae Ventar/BBB      

Iloilo City — Ginsuspender ni Mayor Jerry Treñas ang klase halin pre-school tubtob Senior High School bangud sang mabaskug nga pag-ulan subong nga adlaw.

Una nga gin-anunsyar sang alkalde ang suspension sang klase halin pre-school tubtob Grade 6 kaina sang aga.

Pero nagdesisyon siya nga kanselahon man ang klase sa high schools kag Senior High Schools pagka-hapon bangud wala nagahulaw ang ulan.

Ginbasehan man ni Treñas sa suspension ang data sang PAGASA nga posible ma-experyensyahan pa ang kasarangan tubtob mabaskug nga pag-ulan bangud sang gal-um sa south sang Antique.

Ginmaduan ni Treñas ang City Disaster Risk Reduction and Management Council nga i-monitor ang weather updates samtang naka-standby ang response clusters kon may emerhensya.

Pila ka banwa man sa probinsya ang nag-deklarar sang suspension sang klase subong nga adlaw.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Mga banwa nga nagkanselar sang klase bangud sang pag-ulan subong nga adlaw
Next post Biyahe sang mga sakayan pandagat, normal bisan malain ang tiempo suno sa Coast Guard