ICPO, handa magbantay sa mga balay ilimnan kon bawion ni Mayor Jerry Treñas ang EO nga nagadumili sa pagserbe sang ilimnon pag-abot alas-2 sa kaagahon

By: Aine Grace Bravo | July 2, 2019, 6:30PM

via Aksyon Hotline

Iloilo City — Handa ang Iloilo City Police Office (ICPO) sa pagpabilin sang peace and order sa mga balay ilimnan sa Diversion Road, Mandurriao pananglitan bawiun ni Mayor Jerry Treñas ang Executive Order 146 nga nagadumili sa mga establisemento sa pagserbe sang makahulubog nga ilimnon pag-abot las-dos sa kaagahon.

Ini ang ginpabutyag ni ICPO Director Police Colonel Martin Defensor Jr matapos nahibaluan ang ang plano sang alkalde.

Suno kay Defensor, may mga plano na ang kapulisan agud mapabilin ang kalinong kag katawhay sa Smallville-Boardwalk area nga ginakabig nightlife destination sa syudad.

Adjustment lang suno sa iya sa deployment sang kapulisan ang pagahimoon kag magbutang sang dugang nga mekanismo agud ma-secure ang lugar.

Una na ginpabutyag ni Defensor nga daku nga bulig sa pagbuhin sang mga insidente sa syudad ang pagpatuman sang EO 146.