ArchivesLokal

(UPDATE) CSWDO, may ginhanda nga facility para sa mga Badjao

By: Aine Grace Bravo | July 2, 2019, 6:30PM

via Aksyon KhenJo Terco

Iloilo City — Plano sang City Social Welfare and Development Office (CSWDO) nga magpamutang sang mga stickers sa mga salakyan nga magapahanumdom sa mga pasahero nga ginadumilian ang paghatag sang limos, ilabi na sa mga Badjao.

Kasunod ini sang liwat nga pagbalik sang mga Badjao sa siyudad.

Suno kay Marlon Martinez, focal person sang CSWDO, isa sa ila ginatan-aw nga mga rason kun ngaa nagabalik ang mga Badjao sa siyudad amo nga maalwan ang mga Ilonggo maghatag sang limos.

Nakahanda naman suno sa iya ang ila facility nga patiniran sa mga Badjao nga ma-rescue sang Public Safety and Transportation Management Office (PSTMO).

Ginpahayag ni Martinez nga strategy subong sang mga Badjao ang pagsugo sa ila kabataan nga magpangalimos.

Una na ginhambalan sang CSWDO ang mga Badjao nga mahimo mapreso ang mga ginikanan ukon ang indi menor-de-edad nga mga Badjao nga madakpan nga nagapangayo-kayo.

Sang damlag lang, liwat nakit-an ang mga Badjao nga nagapanaka-saka sa mga jeep kag nagapangayo sa mga pasahero sa Diversion Road, Mandurriao.