Manugpangisda, gintiro sa videokehan sa Tigbauan

By: Nemesio Martirez| July 3, 2019, 12:26 PM
Via Aksyon Kikik Enar/AM Reports

Tigbauan, Iloilo– Gintiro ang 45-anyos nga manugpangisda sa videokehan sa Barangay Buyu-an las 9:10 kagab-i, Hulyo 2.

Napilasan sa tiyan si Benito Noble sang amo man nga lugar nga gindala sa Western Visayas Medical Center.

Suspek sa pagtiro sa biktima si alyas Patling nga nagatrabaho bilang family driver sa nasambit nga barangay.

Hinubog ang ginasunod nga anggulo sang Tigbauan Police sa insidente. At-large ang suspetsado.

Na-recover sa crime scene ang lima ka basiyo sang 45 caliber nga pusil.