(UPDATE) Police Master Sergeant Federico Macaya Jr nga ginpa-blotter sa Jaro Police Station, nanginwala nga ginsipa niya ang kudal sang iya tupad balay
By: Aine Grace Bravo | July 3, 2019, 6:30PM
Via Aksyon Aljohn Torreta
Iloilo City — Nanginwala si Police Master Sergeant Federico Macaya Jr. nga ginsipa niya ang kudal sang ila kasilingan sa Barangay Sambag, Jaro rason natumba.
Una na ginreklamo ang pulis sang iya kasilingan nga si Pio Roy Conde, 26-anyos, nga nagsipa sa kudal sa tunga sang ila mga balay kag nagpamahog pa sa iya kasunod sang ila pagsuay sang asawa sang pulis.
Suno kay Macaya, nagtamwa siya sa kudal agud mag-istorya kay Conde, apang natukuran niya ang kudal.
Ginpahayag gabok na ang kudal rason may porsyon nga nagkalabali.
‘MAY ADLAW KA GID’
Nagpa-athag naman si Macaya sa ginreklamo pagpamahog niya kay Conde.
Ginkunfirmar ni Macaya nga ginhambalan niya ang tagreklamo nga may adlaw gid siya sa iya, apang ang ginatumod niya amo ang indi na niya pagbulig kay Conde kun magdangop sa iya.
Ginpahayag duha ka beses na nga nagtaklas sa pader kag nagtulog si Conde sa balay sang mga Macaya.
Handa si Macaya nga mag-atubang sa kaso pananglitan magdesisyon ang pamilya Conde nga magpasaka.