May 24, 2022

(UPDATE) 3 pulis nga ginreklamo nagpasaway sa club sa City Proper, nanginwala nga nagkadto sa club; nagrason nga nakalabay lang matapos nagpamasahe malapit sa area

Read Time:52 Second

By: Aine Grace Bravo | July 4, 2019, 6:30PM

Via Aksyon Aljohn Torreta

Iloilo City — Nanginwala ang tatlo ka mga pulis nga una ginrekamo nagpasaway sa club sa City Proper sang Hunyo 26 sang kaagahun nga nakasulod sila sa amo nga establishmento.

Base ini sa ginsumiter nga paathag nanday Chief Master Sergeant Jose Dinggal nga chief clerk, Senior Master Sergeant Fernil Mark Mallorca nga team leader sang sentinel kag Staff Sergeant Ralph Mabuque nga sentinel sa Regional Headquarters Support Unit, suno kay Lieutenant Colonel Pablito Asmod, head sang Regional Investigation and Detective Management Division.

Suno kay Asmod, nanindugan ang tatlo ka pulis nga wala sila nagsulod sa Club 88 kundi naglabay lang malapit sa lugar.

Hunyo 25 sang gab-i, ginpahayag sang tatlo nga nagkadto sila sa massage parlor malapit sa club.

Una na gin-report nga nagpangayo sang bulig sa Police Station 1 ang management sang club bangud indi magbayad sang ila bill ang tatlo ka customers nga ulihi na-identify nga mga pulis.

Nagapadayon ang imbestigasyon sang RIDMD sa natabu.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Klase sa Sta. Barbara Comprehensive National High School, ginkanselar sang 2 adlaw bangud sa madamo nga lamok
Next post Bag-o nga PRO 6 Director, nagbisita sa IPPO headquarters; nagpangayo sang suporta sa mga pulis