Dialysis, i-libre sang city gov’t para sa mga pigado; P159M nga ospital sa syudad, plano man ipatindog

By: JoMaque | July 6, 2019, 9:45am

Iloilo City — Mangin libre ang pagpa-dialysis sang mga pigado sa syudad.

Suno kay Mayor Jerry Treñas, plano niya nga magbutang sang tatlo ka dialysis machines sa East Baluarte Health Center.

Ini agud nga indi na magbayad pa sang ginabanta P4,000 ang mga pigado para sa pagpa-dialysis.

Ginpahayag man ni Treñas nga plano niya magpatindog sang ospital.

Nagapangita pa ang syudad sang duha ka ektarya nga kalaparun sang duta agud patindugan sang ospital nga may capacity nga 50 beds.

Nagakinahanglan ang syudad sang P58M pesos kada tuig para magpasweldo sang mga personnel sa ipatindog nga ospital.