Do Day Kontra Dengue, madinalag-un – Gov. Defensor
By: Aine Grace Bravo | July 6, 2019, 6:30PM
Via Aksyon Reports Afternoon Edition
Iloilo – 100 porsyento nga gin-updan sang mga pumuluyo kag barangay officials ang Do Day Kontra Dengue.
Ginkalipay ni Governor Arthur ‘Toto’ Defensor Jr ang pag-ugyon sang tanan agud matinluan ang palibot sa tuyo nga maguba ang breeding places sang mga lamok.
Nagbisita ang gobernador sa pila ka barangay kag district hospitals agud personal nga mahibaluan ang sitwasyon.
Gin-athag ni Defensor nga indi lang subong nga adlaw ang pagpanglimpyo, kundi dapat mangin habit na kada Sabado.
Gin-engganyo niya man ang mga pumuluyo nga adlaw-adlaw nga magpanglimpyo bangud ini ang pinaka-epektibu nga solusyon sa dengue.