ArchivesLokalUncategorized

Klase sa Sta. Barbara National Comprehensive HS, balik na buwas kasunod sang duha ka adlaw nga kanselasyon bangud sang madamu nga lamok

By: JoMaque | July 7, 2019, 8:33am
via Interview with Dr. Lourdes Montefrio, principal, Sta Barbara National Comprehensive High School

Iloilo — Balik-klase na sa Lunes, HUlyo 8 ang mga estudyante sa Sta Barbara National Comprehensive High School matapos ginkanselar sang duha ka adlaw bangud sang madamu nga lamok.

Ini ang ginkumpirmar ni Dr. Lourdes Montefrio, principal sang eskuwelahan matapos nagpang-spray sang hilo batuk sa mga lamok sang Hulyo 4 kag 5.

Suno kay Montefrio, may go signal na para sa pagpadayon sang klase sa Lunes pero kinahanglan nga matinluan ang mga classrooms agud masiguro nga wala na sang nabilin nga kemikal nga gin-spray para sa mga lamok.

Nagsuhestyun man kay Montefrio ang Department of Education Schools Division of Iloilo Province nga magsoksok sang pantalon ang mga estudyante nga babaye sa baylo nga mag-uniform agud maproteheran sila sa lamok nga may dala sang dengue.

Hulyo 3 sang aga sang natalupangdan sang mga personnel sang eskuwelahan ang panong sang mga lamok sa dingding sang mga classrooms gani temprano nga ginpapuli ang mga estudyante.

Leave a Reply