May 23, 2022

CSWDO, naka-rescue sang 7 menor-de-edad nga Badjao

Read Time:49 Second

By: Aine Grace Bravo | July 8, 2019, 6:30PM

via Aksyon KhenJo Terco

Iloilo City — May pito na ka kabataan nga Badjao nga na-rescue ang City Social Welfare and Development Office (CSWDO) sa ila operasyon sang Biyernes, Hulyo 5.

Suno kay Mr. Marlon Martinez, focal person sang CSWDO, apat ang ila na-rescue sa Infante, Molo kag tatlo naman sa Buhang, Jaro.

Natukiban man sang CSWDO nga ginahimo nga ilistaran sang mga Badjao ang idalom sang Buhang Bridge.

May nakit-an suno kay Martinez nga indi na mga menor-de-edad nga Badjao sa idalom sang taytay apang nagpalagyo sila sang nakita nga nag-abot ang team sang CSWDO.

Ara na sa shelter sang CSWDO ang mga na-rescue nga Badjao kag istoryahan pa sang CSWDO kag PSTMO ang masunod nila nga himuon sa napang-rescue.

Ginabug-usan sang taga-Public Safety and Transportation Management Office (PSTMO), CSWDO, kag mga pulis ang grupo nga nagalibot sa siyudad agud mag-monitor sa mga Badjao.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Mga residente sa Zone 4 Sambag, Jaro, ma-amutay agud isuhol sa maninlo sang mahigku nga kanal
Next post 4 establisemento sa Iloilo City, nagabaligya sang substandard nga steel bars – DTI 6