DEPED-Schools Division of Iloilo, ginpahanugutan ang mga estudyante nga indi magsuksok sang uniform kasunod sang dengue outbreak sa probinsya

By: JoMaque | July 8, 2019, 8:38am 
via Public View

Iloilo — Ginpahanugutan sang Department of Education-Schools Division of Iloilo ang mga estudyante nga indi magsuksok sang uniform kasunod sang deklarasyon sang dengue outbreak sa probinsya.

Base sa Division Memorandum No. 185 ni Schools Division Superintendent Dr. Miguel Mac Aposin, mahimo magsoksok ang mga estudyante sang long, loose kag light-colored clothes kag knee socks agud maproteheran ang ila kaugalingon batuk sa kutot sang lamok.

Magluwas sa Iloilo, gin-implementar man ang ini nga lihok sa Aklan bangud sang mataas nga kaso sang dengue suno kay DepEd 6 spokesperson Lea Belleza.