Mga residente sa Zone 4 Sambag, Jaro, ma-amutay agud isuhol sa maninlo sang mahigku nga kanal

By: Aine Grace Bravo | July 8, 2019

via Aksyon Hotline

Iloilo City — Naga-plano ang mga residente sa Zone 4, Sambag, Jaro nga mag-amot amot agud isuhol sa tawo nga magapaninlo sa mahigku nga kanal sa barangay.

Ini matapos wala suno sa iya ma-aksyonan tubtub subong ni Punong Barangay Romeo Jagorin ang madugay nila nga problema.

Suno naman kay retired SPO3 Celso Conde, halin sa mga balay ang tubig nga naga-ilig sa kanal. Magluwas pa ini sa nagatumpok nga basura sa lamawan.

Ginpahayag ni Conde nga ginkadtuan lang kag gintan-aw sang ila kapitan ang kanal matapos nila ginreklamo.

Ginpahayag naman ni alyas Risa, isa sa mga residente, nga makapila ka beses na sila nagbalik-balik kay Jagorin angut sa ila problema pero ginarason sang kapitan nga wala na siya sang may mahimo.

Naghambal man suno sa iya ang kapitan nga indi na sila dapat mag-problema bangud pahalinon man sila sa lugar.