ArchivesLokalUncategorized

Senior citizen nga lalaki, nagreklamo nga ginkastigo matapos nagpamalibad nga magpakighilawas sa 26-anyos nga lalaki sa City Proper

By: JoMaque | July 8, 2019, 8:36am
Via Aksyon Kikik Enar | Aksyon Night Patrol Sunday Edition/ AM Reports

City Proper, Iloilo City — Nagreklamo sa Police Station 1 ang 61-anyos nga lalaki matapos ginpahayag ginhagad nga magpakig-hilawas kag ginkastigo sa City Proper kahapon, July 7.

Suno kay Alyas El, pauli na siya halin sa balay sang iya kasilingan sang nasugata si Alyas Bry, 26 anyos. Gin-alegar ni El nga naka-inom si Bry kag ginhagad siya nga mag-pakighilawas.

Nagpamalibad siya suno sa iya pero gindis-og siya ni Bry kag nakabunggo sa pader.

May nagluntad nga kinagamo sa tunga nila rason nga nagpalagyo si El kag nagpanugid sa barangay kagawad.

Dugang pa ni El nga sang nahibaluan ni Bry nga siya ang nagpanugid, liwat siya nga nakastiguhan.

Ginpanginwala naman ni Bry nga presu sa police station, ang akusasyon ni El

Nagpanindugan siya nga si El ang nagpanghagad sa iya pero siya nagpamalibad.

Desidido naman nga magpasaka sang kaso ang tigulang batuk sa soltero.

Leave a Reply