ACAD-Union sang mga empleyado sa UP-Iloilo Chapter, ginkondenar ang ‘pagprofile’ sa ila sang pulis
By: JoMaque | July 10, 2019,
Iloilo City — Ginkondenar sang All UP Academic Employees Union- Iloilo Chapter ang ‘pagprofile’ sa ila sang mga pulis.
Ini matapos nagpadala sang sulat si Police Major Johnny Tumambing, hepe sang Miagao Police Station kay UP Visayas Chancellor Ricardo Babaran sang Hunyo 25 sa pagpangayo sang mga impormasyon angut sa mga miembro sang nasambit nga grupo.
Suno kay Prof. Sol Gadong nga presidente sang All UP Academic Employees Union- Iloilo Chapter, nagakabalaka sila sa lihok sang pulis bangud wala sila nakahibalo kun sa diin gamiton sang mga otoridad ang makuha nga impormasyon.
Ini ang labing una nga kahigayunan nga nagpangayo ang pulis sang impormasyon sang mga miembro sang amo nga grupo.
Matandaan, nangin kontrobersyal sang damlag lang ang ‘pagprofile’ man sang mga pulis sa mga miembro sang Alliance of Concerned Teachers ukon ACT.
‘KINAMATARONG ANG PAGPABUTYAG SANG KAUGALINGON’
Nanindugan naman si Prof. Gadong nga kinamatarong sang tanan ang pagpabutyag sang kaugalingon base sa Konstitusyon.
Dugang niya, neutral ground ang mga eskwelahan rason mahimo sila makapabutyag kag makaposisyon angut sa mga issues nga naga-apekto sa ila sektor kag sa publiko.
Base sa ginpaguwa nga pahayag sang grupo, ginakabig nila nga malisyoso kag may ‘chilling effect’ man sa ila mga miembro nga ginabugusan sang mga researchers, extension kag professional staff kag faculty members ang ‘pagprofile’ sang mga pulis.
‘MANDATO HALIN SA IBABAW’
Ginatinguhaan sang Aksyon Radyo Iloilo nga makuhaan sang statement si Major Tumambing apang nagpamalibad siya nga magkomento.
Base sa ginpadala nga sulat ni Major Tumambing kay Chancellor Babaran, ginpahayag niya nga may mandato sila halin ‘higher headquarters’ nga magrequest sang impormasyon sang mga miembro sang All UP Academic Employees Union – Iloilo Chapter.
Ginpahayag ‘for reference’ ang ginapangayo nga impormasyon.
Wala pa nakahatag sang pahayag ang Police Regional Office 6 angut sini.
Ginatinguhaan man sang Aksyon Radyo Iloilo nga makuhaan sang pahayag si Chancellor Babaran angut sini.
More Stories
Ilonggo Olympian Irish Magno, nakakuha sang silver medal sa Women’s Boxing 51Kg sa 31st SEA Games
Tumandok sang Janiuay si Irish Magno. *via Philippine Sports Commission
Pulis nga na-assign sa RPHAU, dakop sa drug buy bust operation sa Molo
Iloilo City — Dakop sa drug buy bust operation ang 40-anyos nga pulis sa Aries St. VML Subdivision North Fundidor...
Traffic Discipline Zone, liwat nga ilunsar sang PSTMO sa Iloilo City
ILOILO CITY – Liwat nga igalunsar sang Public Safety and Transportation Management Office (PSTMO) ang Traffic Discipline Zone (TDZ) sa...
Pag-postpone sang barangay election subong nga tuig, ginakonsiderar sang Kamara
Ginakonsiderar sang House of Representatives ang pag-postpone sang Barangay Election subong nga December 2022, suno kay House Majority Leader kag...
23-anyos nga engineer nga ginapatihan nakuryente sang charger sa iya hiligdaan, nasapwan patay sa Zarraga
ILOILO -- Patay na sang nasapwan ang 23-anyos nga engineer, las-7:13 kahapon sang aga, Mayo 18 sa Zarraga. Ginkilala ang...
Ilonggo athlete nga taga-Arevalo, nagdaug sang gold medal sa 31st SEA Games
Nagdaug sang gold medal sa 31st SEAGAMES sa Hanoi, Vietnam ang 26-anyos nga Ilonggo athlete nga taga-Arevalo. Si Arnel Mandal...
Average Rating