May 21, 2022

Mayors, MENROS, ginsapol ni Gov. Defensor agud talakayon ang Solid Waste Management sa probinsya

Read Time:51 Second

By: JoMaque | July 10, 2019, 11:59am
Via Firingline | Interview with Governor Arthur Defensor Jr.

Iloilo — Ginsapol ni Governor Arthur Defensor Jr., ang mga mayors kag Municipal Environment Natural Resources Officers agud istoryahan ang Solid Waste Management sa probinsya kaina sang hapon.

Suno kay Defensor, daku ang mabulig sang Solid Waste Management agud masolbar ang problema sa basura.

Katuyuan sang lihok suno sa gobernador nga sugpunan ang inisyatibo sang nagligad nga administrasyon sa amu nga programa.

Gin-aku man niya nga may problema sa sanitary landfill ang pila ka kabanwahanan.

Ginakahangaw-an sang gobernador nga maabot ang tion nga wala na sang may mahabuyan sang basura ang iban nga banwa, rason nga iya ginpatawag ang meeting agud makadihon sang solusyon.

Dapat suno kay Defensor nga may long-term approach sa pagpanglimpyo kag pag-manage sang solid waste.

Ini na ang ikaduha nga sinapol sang bag-o nga gobernador sa mga alkalde.

Sang damlag lang, ila gintalakay ang problema sa dengue kag ginsundan sang paglunsar sang “Do Day Kontra Dengue.”

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Babaye, dakup sa entrapment operation sang Mandurriao police; Subject, nanginwala nga kaupod niya ang nadakpan kahapon nga ginreklamo nagapanonto gamit ang Facebook
Next post ICPO Director, nagpabulig sa intel section agud makilala ang 2 lalaki nga nagpakilala taga-NBI kag Army nga nagtuyo sulod sa balay sang lider sang cause-oriented group sa Jaro