PECO, nagapati nga indi na dapat magpadayon ang expropriation proceedings sang MORE
By: JoMaque | July 10, 2019, 9:25am
ILOILO CITY — Nagapati ang tagdumalahan sang Panay Electric Company (PECO) nga indi na dapat pagpadayunon ang expropriation proceedings sang MORE Electric and Power Corporation sa mga assets sang PECO.
Suno kay Marcelo Cacho sang PECO, may desisyon na ang Mandaluyong RTC nga permanent injunction sa franchise sang MORE, kag nagadeklarar nga void and unconstitutional sa right to eminent domain kag transition operations sang MORE.
Ginpahayag ni Cacho nga nagapasalamat sila bangud nagpangibabaw ang rule of law.
Nagpasalig ang PECO nga padayunon ang modernization efforts sa pagpanubo sang rates, paghatag sang stable power kag pag-install sang mga smart meters.