Driver sang sports car nga nakabunggo-patay sa mag-asawa nga Osano sa Mandurriao, napaslawan magtambung sa preliminary investigation sa kaso batuk sa iya
Read Time:1 Minute, 6 Second
By: JoMaque | July 11, 2019, 8:45am
Iloilo City — Napaslawan sa pag-attend sa preliminary investigation sa City Prosecutor’s Office ang 32-anyos nga driver sang sports car nga nakabunggo-patay sa mag-asawa nga Osano sang nagligad nga bulan.
Ini ang ginkunfirmar ni Atty. Jose Ricsan Tormon, legal counsel sang pamilya Pet kag Osano nga nagpasaka sang kaso batuk kay Mr. June Paul Valencia.
Suno kay Atty. Tormon, subong nga adlaw, Hulyo 10, ang deadline sa pagsumiter ni Valencia sang iya counter affidavit base sa gin-issue nga subpoena sang nagligad nga semana.
Matandaan, ginpasakaan sang mga himata sang mag-asawa nga Joe Marie kag Alnie Dinah Osano sang kaso nga reckless imprudence resulting to double homicide si Valencia kasunod sang insidente.
‘Gina-verify pa’
Indi pa tul-id suno kay Atty. Tormon kun nabaton ni Valencia ang subpoena.
Natalana naman i-verify ni Tormon sa Mandurriao police kun naserbe na nila kay Valencia ang subpoena.
Gintinguhaan sang Aksyon Radyo Iloilo nga makuhaan sang pahayag si Police Major Marlon Valencia, hepe sang Mandurriao Police Station, angut sini apang nagpamalibad siya nga magkomento.
Una na nga wala man nakasumiter si Valencia sang iya sabat sa gin-issue nga show cause order batuk sa iya sang Land Transportation Office (LTO) 6 bisan ginpasugtan na ang iya ginhingyo nga time extension.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
Traffic Discipline Zone, liwat nga ilunsar sang PSTMO sa Iloilo City
ILOILO CITY – Liwat nga igalunsar sang Public Safety and Transportation Management Office (PSTMO) ang Traffic Discipline Zone (TDZ) sa...
Pag-postpone sang barangay election subong nga tuig, ginakonsiderar sang Kamara
Ginakonsiderar sang House of Representatives ang pag-postpone sang Barangay Election subong nga December 2022, suno kay House Majority Leader kag...
23-anyos nga engineer nga ginapatihan nakuryente sang charger sa iya hiligdaan, nasapwan patay sa Zarraga
ILOILO -- Patay na sang nasapwan ang 23-anyos nga engineer, las-7:13 kahapon sang aga, Mayo 18 sa Zarraga. Ginkilala ang...
Ilonggo athlete nga taga-Arevalo, nagdaug sang gold medal sa 31st SEA Games
Nagdaug sang gold medal sa 31st SEAGAMES sa Hanoi, Vietnam ang 26-anyos nga Ilonggo athlete nga taga-Arevalo. Si Arnel Mandal...
7-11 convenience store sa MV Hechanova, Jaro, ginhold-up sang nagpakunu-kuno nga mabakal sang itlog
ILOILO CITY – Gin-hold up sang lalaki nga nagpukunu-kuno nga mabakal sang itlog ang 7-Eleven sa MV Hechanova, Jaro mga...
LTO, mag-distribute ang breath analyzer sa mga pulis sa Iloilo City
Managtag ang Land Transportation 6 sang mga breath analyzer sa mga police sa Iloilo City nga deputized sang ahensiya para...
Average Rating