Lalaki nga madul-ong sang iya mga produkto nga utan sa Leon, patay sang nahulog sa jeep

By: Aine Grace Bravo | July 11, 2019, 10:30PM

via Aksyon Francis Basco

Leon, Iloilo — Patay ang lalaki nga nahulog halin sa ginasakyan nga de-pasahero nga jeep sa Leon las 7:50 kaina sang aga.

Natabu ang aksidente sa Barangay Buga, Leon.

Ginkilala sang Leon Police Station ang lalaki kay Reynaldo Camral, 46-anyos sang Bucari nga ginapatihan napiyungan samtang nagapungko sa mga produkto nga karga sa atop sang “Toto Glen” nga jeep.

Suno kay Police Staff Sergeant Edzel Edlang sang Leon Police Station, halin sa Bucari ang lalaki kag madulhog sa banwa para magdul-ong sang iya mga produkto.

Gindeklarar nga dead on arrival sa Aleosan District Hospital ang lalaki.