Masobra 2,000 regular employees sang Iloilo Prov’l Gov’t, nagapamiligro nga indi maswelduhan sa Hulyo 1-15

By: JoMaque | July 11, 2019, 8:45am
Via Aksyon Mario Gelongo | Firingline

Iloilo — Ginakabalak-an nga ma-delay ang sweldo sang 2,167 ka regular employees sang Provincial Government humalin Hulyo 1 tubtob 15.

Ini bangud wala pa sang authority to sign bank documents kag authority to sign checks sa mga depository banks si Governor Arthur Defensor Jr. halin sa Sangguniang Panlalawigan.

Naka-agenda kuntani sa session sang SP kahapon, Hulyo 9, ang request sang gobernador nga nagapangayu sang authority, apang wala sang quorum bangud pito lang sa 14 ka members ang nakatambong sa session.

Suno kay OIC Vice Gov. 4th District Board Member Rolly Distura, may rason man ang mga kaupod nila nga absent.

Sa masunod nga session, ma-overtime suno kay Distura ang provincial board agud gilayon nga matalakay ang ginahingyu sang gobernador.

Present sa session kahapon sanday Board Members Distura nga nagpungko nga presiding officer, Renee Valencia, Rolito Cajilig, June Mondejar, Matt Palabrica, Jason Gonzales kag Licurgo Tirador.

On official business sanday Board Members Marcelo Valentine Serag, Carol Espinosa kag Nieleto Tupas.

Samtang, on-leave sanday Board Members Dorothy Paes kag Ma. Angelica Bianca Requinto kag Vice Governor Christine Garin.