Pulis nga ginreklamo sa pagsipa sa kudal kag pagpahug sa iya kasilingan, ginpasakaan sang madamo nga kaso sa Napolcom

By: JoMaque | July 11, 2019, 8:40am

Iloilo City — Ginpasakaan sang sampaw-sampaw nga mga kaso sa National Police Commission (NAPOLCOM) 6 sang 26-anyos nga lalaki ang iya kasilingan nga si Police Master Sergeant Federico Macaya Jr.

Ini angut sa reklamo ni Mr. Pio Roy Conde sang Barangay Sambag, Jaro, nga pagpamahog sa iya ni Macaya kag pagsipa pa sa ila kudal sang Hulyo 2.

Suno kay Conde, misconduct, conduct unbecoming of a police officer, oppression kag intoxication ang ginpasaka niya batuk kay Macaya.

Ginpabutyag ni Conde nga nagakabalaka siya sa iya seguridad kasunod sang insidente.

Una na ginpanginwala ni Macaya ang akusasyon ni Conde kag nanindugan nga atubangon niya ang ipasaka nga kaso batuk sa iya.

Nangin kontrobersiyal sang damlag lang si Macaya matapos nagreklamo ginsiko, ginsipa, gintampa kag gindupla-an ni former 1st District Congressman Richard Garin sang na-assign pa siya sa Guimbal Police Station.