Dayalugo, ginhiwat sa City Hall kasunod sang reklamo sang mag-asawa nga lider sang cause-oriented group nga gintuyo nga sudlon ang balay sa Jaro
By: Aine Grace Bravo | July 12, 2019, 8:40PM
via Aljohn Torreta
Iloilo City — Nagtambung sa dayalogo ang mag-asawa nga Wilfred kag Josephine Panuela, mga leader sang cause-oriented group nga KAISOG nga nagreklamo sang gintuyo sudlon ang ila balay kag istoryahon sila sang duha ka lalaki sa Barangay Bito-on, Jaro sang Hulyo 7.
Gin-intiate sang KAISOG ang ginhimo nga dayalogo sa Iloilo City Hall.
Ginsaysay ni Wilfred ang natabu nga pagsulod sang duha ka lalaki sa ila balay.
Nagtambung man sa dayalogo ang representante sang Iloilo City Police Office, National of Bureau and Investigation 6, Philippine Army kag City Government.
Nagtindog bilang moderator si Vice Mayor Jeffrey Ganzon.
Una nga nagpakilala ang duha ka lalaki nga sanday Art Diaz sang NBI kag Ray Gomez sang Philippine Army, pero pareho ini nga ginpanginwala sang mga otoridad.