Iloilo City Mayor Jerry Treñas, nagpangabay sang kooperasyon sa pagpanglimpyo agud malikawan ang pagdoble sang dengue cases

By: Aine Grace Bravo | July 12, 2019, 8:30PM

via Aksyon Hotline

Iloilo City — Ginakahangaw-an ni Mayor Jerry Treñas nga maga-doble ang dengue cases sa siyudad kun indi pagtutukan ang pagpanglimpyo.

Ini ang rason ni Treñas kasunod nga nagpapanaog sang Executive Order No. 007 nga nagamandu sa mga government offices, kabaranggayan kag eskwelahan nga istriktuhon ang pagpatuman sang clean-up drive.

Suno sa iya, daku ang mabulig sang pagpanglimpyo agud mabatuan ang dengue.

Sakup sang EO ang tanan nga government offices sa siyudad.

Liwat man nga nagpangabay sang kooperasyon sa tanan ang alkalde sa kampanya kontra dengue.

Gin-confirmar naman ni Treñas nga may nag-abot nga pundo nga gamiton sa pagpatinlo sa mga kanal sa kabaranggayan.