Lalaki sa Pototan, nanglagas sang espading

By: Aine Grace Bravo | July 12, 2019, 8:40PM

via Pototan MPS

Pototan, Iloilo — Preso sa Pototan Municipal Police Station ang lalaki nga nagpanglagas sang espading sa Tuburan, Pototan mga las-11:30 kaina sang aga.

Ginkilala ni Police Staff Sergeant Raffy Gonzales sang Pototan MPS ang lalaki kay Simplicio Villanueva, 31 anyos nga tumandok sang Tuburan.

Nagpangsita suno kay Gonzales si Villanueva sa mga nagapang-spray sang kemikal batuk sa mga lamok sa ila lugar.

Iya man nga ginlagas sang espading ang tanod nga nagsaway sa iya.

Sa pagpangusisa ni Gonzales, halin pa kagab-i naga-inom si Villanueva kag wala pa sang tinulogan.