RHU-Pototan, gin-convert nga dengue hospital bangud tuman ka damo ang dengue cases

By: Aine Grace Bravo | July 12, 2019, 6:30PM

via BBB

Pototan, Iloilo — Nagpang-spray sang kemikal kontra lamok sa mga eskwelahan kag mga barangay sa Pototan subong nga adlaw.

Ini ang rason nga ginpasuspender ni Pototan Mayor Rafael Enrique Lazaro ang mga klase sa tanan nga public schools kaina.

Magluwas sa pagpang-spray sang kemikal, ginatutukan man suno kay Lazaro ang pagpanglimpyo.

Nag-augment na ang LGU sang P1 million para sa test kit kag gin-convert ang Rural Health Unit nga dengue hospital.

Nagapanguna ang Pototan nga may pinakamadamo nga kaso sang dengue sa probinsya nga may 425 kag apat ka patay, halin sa Enero 1 tubtob Hunyo 29 nga record sang Provincial Health Office.