1 patay, 1 pilason sang nakabunggo ang motorsiklo sa owner-type jeep sa Lambunao

By: Aine Grace Bravo | July 13, 2019, 6:30PM

via Aksyon Farrah Mae Morano

Lambunao, Iloilo — Isa patay, isa pilason sang nakabunggo ang motorsiklo sa owner-type jeep nga naka-park sa higad sang dalan sa Brgy. Walang, Lambunao las-nueve kagab-i, Hulyo 12.

Suno kay Police Major Rene Obregon Jr, hepe sang Lambunao Municipal Police Station, halin sa Brgy. Walang sanday Rolly Moreno, 47-anyos nga driver sang motorsiklo, kag iya pakaisa nga si Crisbert Limor, 30-anyos, kag pakadto sa bukid sang naaksidente.

Gindala pa sa Dr. Ricardo Y. Ladrido Memorial District Hospital sa Lambunao ang duha pero gindeklarar nga dead-on-arrival si Limor. Padayon naman nga ginabulong sa ospital si Moreno.