Babaye, nag-‘hugot’ kag nag-split pa sa Police Station

By: JoMaque| July 13, 2019, 10am

Iloilo City— Nag-split kag naghugot pa bangud sa sobra nga kahulugbon ang babaye sa Police Station 1.

Suno kay Police Lt. Col. Jonathan Pablito, hepe sang City Proper Police Station, mga las 11:30 sang gab-i sang Miyerkules sang Hulyo 10 may nag-report nga tricycle driver nga may babaye nga naga-waras sa Iznart St, City Proper.

Gilayon nagresponder ang kapulisan kag naabtan ang babaye.

Gindala ang babaye sa police station agud indi makatuga sang perwisyo sa iban kag indi ma-tripingan sang mga nagalabay.

Indi makuhaan sang tul-id nga impormasyon ang babaye sang gin-usisa bangud tuman ka hubog.

Samtang yara sa police station, naghugot kag nag-split pa ang babaye.

Ginpabilin sa police station lobby ang babaye tubtob naumpawan.

Mga las dos sang kaagahon sang Huwebes sang na-umpawan ang babaye kag nagpauli.

Nahibaluan nga sa Molo nagapauli ang babaye.

Wala na gin-custody sang pulis sang babaye bangud wala sang tagreklamo.

Gin-aku ni Lt. Col. Pablito nga indi ini ang pinakauna nga tion nga may kasubong sila nga kaso nga na-encounter.

Kalabanan sa ila ang may problema sa paminsaron ukon may dako nga problema.

About Post Author

Aksyon Radyo Iloilo 720Khz

admin@aksyonradyoiloilo.com.ph

http://aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %