Pagpalubong sa babaye nga nasapwan patay sa Jaro Plaza, ginaproseso sang CSWDO

By: Aine Grace Bravo | July 13, 2019, 6:30PM

via Aksyon Hotline

Iloilo City — Gina-proseso na sang City Social Welfare and Development Office ang pagpalubong sa 40-anyos nga babaye nga napatay sa Jaro Plaza sang nagligad nga semana.

Suno kay Ms. Marieliz Silvederio, registered social worker sa Jaro, pagamisahan sa Gegato Abecia Funeral Homes ang bangkay ni Othelia Tolentino kag ilubong sa Jaro Public Ccemetery sa Hulyo 16.

Gingastuhan suno sa iya sang City Government ang pagpalubong kay Othelia, magluwas pa sa mga bulig nga ginhatag sa iloy sang amo nga babaye.

Ginatinguhaan man suno sa iya sang syudad nga mahatagan sang balay ang iloy ni Othelia nga tatlo ka tuig na nga nagatiner sa Jaro Plaza matapos ginbaligya sang tag-iya ang ila balay nga gina-istaran sadtu.