Soldado, pilason sang nagbunggu-anay ang iya motorsiklo kag tricycle sa Dingle
By: Aine Grace Bravo | July 13, 2019, 6:30PM
via Aksyon KhenJo Terco
Dingle, Iloilo — Pilason si Private First Class Ricky Soliterio sang Janipa-an East, Mina sang nakabunggo sa tricycle ang iya ginamaneho nga motorsiklo mga las 5:00 kaina sang kaagahon, Hulyo 13, sa Barangay Licu-an, Dingle.
Suno kay Police Capt. Fernando Punzalan Jr., hepe sang Dingle Municipal Police Station, nagapadulong sa town proper sang Dingle si Soliterio sang nasugata ang tricycle nga ginamaneho ni Ramon Opialda, 70 anyos sang Poblacion, Dingle.
Hinali nga nag-left turn si Opialda kag na alang-alang sa pagpreno si Soliterio rason nga nakabunggo sa tricycle.
Pareho nga gindala ang duha sa ospital. Napilasan sa lawas si Soliterio kag nagreklamo naman sang pagpalanakit sang dughan si Opialda.