Ex-convict, pilason sang gintiro samtang nagalakat sa merkado sa Hamtic, Antique

By: JoMaque | July 14, 2019, 2pm

Hamtic, Antique — Pilason ang 21-anyos nga ex-convict matapos gintiro samtang nagalakat sa Public Market sa Barangay Lapaz-Tubog, las 8:00 kaina sang aga.

Ginkilala ang biktima kay Danilo Abello Jr sang Ingwan-Batangan, Hamtic Antique nga may igo sa likod.

Base sa imbestigasyon sang kapulisan, nagalakat ang biktima sang ginsunod sang duha ka mga wala nakilala nga mga suspect nga naka-bonnet kag gintiro sang makaduha ka beses.

Gilayon nagpalagyo ang mga suspetsado sakay sa motorsiklo.

Suno kay Police Staff Sergeant Mar Joepet Jallorina, imbestigador sang Hamtic Police Municipal Police Station, may kaso sadto nga Murder kag Direct Assault ang biktima.

Wala pa matumod ang gingamit nga pusil kag ang motibo sa krimen.

Isa sa mga ginasundan nga anggulo sang kapulisan ang kaso sadto sang biktima kag iya mga na-agrabyado.

Nagapadayon pa ang imbestigasyon sang pulis sa identity sang mga suspect.

Confined sa ospital ang biktima.