Brigada Eskwela Kontra Dengue, plano ipatuman ni Gov. Arthur Defensor Jr sa mga eskwelahan sa probinsya

By: JoMaque | July 15, 2019, 11:35am

Iloilo City — Plano ni Governor Arthur Defensor Jr nga magpatuman sang Brigada Eskwela Kontra Dengue sa mga pampubliko nga eskuwelahan sa probinsya.

Ginsuhestyun man ini sang gobernador kay Schools Division Superintendent Dr Miguel Mac Aposin sang damlag lang. 

Kun ano suno sa iya ang gin-mobilize sadtu sa Brigada Eskwela antes ang pagbukas sang klase, amu man ang himoon sa Brigada Eskwela Kontra Dengue.

 Ma-istorya pa ang gobernador kay Aposin subong nga adlaw agud maplastar ang posibilidad sang pagpatuman sang Brigada bilang isa sa mga solusyon sa pagtapna sang mga lamok nga nagadala sang dengue.

 Una na nga nag-issue sang Division Memorandum ang Department of Education-Schools Division of Iloilo bilang suporta sa “Do Day Kontra Dengue” sang probinsya.       

Nasaad sa memorandum ang pagpahanugot sa mga estudyante nga magsoksok sang mga long, loose kag light-colored clothes kag knee socks agud maproteheran ang ila kaugalingon batuk sa kutot sang lamok.