Mga empleyado sang kapitolyo, magahiwat sang blood donation drive agud makabulig sa mga dengue patients

By: JoMaque | July 15, 2019, 11:26am

Iloilo City — Pangunahan sang Association of Iloilo Provincial Government Employees, Provincial Health Office kag Philippine National Red Cross  ang iga-conduct nga blood donation drive sa Social Grand Hall sang Casa Real de Iloilo buwas, Hulyo 16.

Ang aktibidad nga gintawag Dugo sang Ilonggo, Bulawanon sa Kabuhi Mo” nagatuyo nga mabuligan ang mga dengue patients sa probinsya.  

Gin-engganyo ni Association of Iloilo Provincial Government Employees President Joecel Mayor ang mga empleyado kag mga miembro sang ila pamilya nga mag-donar sang dugo.

Magahatag naman sang cards ang Philippine National Red Cross sa mga blood donors pananglitan luyag nila mag-request sang dugo para sa ila kinahanglanon.          

Una na gin-engganyo ni Governor Arthur Defensor Jr ang mga empleyado sa kapitolyo nga mangin agresibo sa kampanya kontra dengue.