‘Wala na sang na-monitor nga badjao sa siyudad’ — CSWDO
Read Time:1 Minute, 1 Second
By: JoMaque | July 16, 2019, 8:15am
Iloilo City—Wala na sang na-monitor nga Badjao sa siyudad ang City Social Welfare and Development Office (CSWDO).
Suno kay CSWDO focal person, Mr. Marlon Martinez base sa ila paglibot sa siyudad wala na sila sang nakita pa nga nagapangayo-kayo ilabe na ang mga menor-de-edad nga mga Badjao.
Wala man sang nakita pa nga Badjao ang CSWDO sa idalom sang Buhang Bridge sa diin sila katapusan nakit-an nga nagatiner.
Na-turn over naman sang nagligad nga semana sa ila mga ginikanan ang pito ka mga menor-de-edad nga na-rescue.
Liwat ginpa-athagan sang CSWDO ang mga ginikanan nga pwede sila ma-preso kun madakpan kag mapamatud-an nga ginasugo nila ang ila kabataan nga magpangayo-kayo.
Nagpasalig naman ang mga Badjao suno kay Martinez nga indi na sila magbalik pa sa Iloilo.
Sa katapusan nila nga pagsugilanon, ginpahayag sang mga Badjao nga mapa-Bacolod sila.
Gin-athag ni Martinez, nga wala sang problema kun magtiner ang mga Badjao sa siyudad kun luyag nila mangabuhi sang matawhay kag indi lang magpangayo-kayo.
Ang mga Badjao nga nagabaligya sang mga burloloy ang ginapahanugutan man sang CSWDO dugang pa ni Martinez.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
Traffic Discipline Zone, liwat nga ilunsar sang PSTMO sa Iloilo City
ILOILO CITY – Liwat nga igalunsar sang Public Safety and Transportation Management Office (PSTMO) ang Traffic Discipline Zone (TDZ) sa...
Pag-postpone sang barangay election subong nga tuig, ginakonsiderar sang Kamara
Ginakonsiderar sang House of Representatives ang pag-postpone sang Barangay Election subong nga December 2022, suno kay House Majority Leader kag...
23-anyos nga engineer nga ginapatihan nakuryente sang charger sa iya hiligdaan, nasapwan patay sa Zarraga
ILOILO -- Patay na sang nasapwan ang 23-anyos nga engineer, las-7:13 kahapon sang aga, Mayo 18 sa Zarraga. Ginkilala ang...
Ilonggo athlete nga taga-Arevalo, nagdaug sang gold medal sa 31st SEA Games
Nagdaug sang gold medal sa 31st SEAGAMES sa Hanoi, Vietnam ang 26-anyos nga Ilonggo athlete nga taga-Arevalo. Si Arnel Mandal...
7-11 convenience store sa MV Hechanova, Jaro, ginhold-up sang nagpakunu-kuno nga mabakal sang itlog
ILOILO CITY – Gin-hold up sang lalaki nga nagpukunu-kuno nga mabakal sang itlog ang 7-Eleven sa MV Hechanova, Jaro mga...
LTO, mag-distribute ang breath analyzer sa mga pulis sa Iloilo City
Managtag ang Land Transportation 6 sang mga breath analyzer sa mga police sa Iloilo City nga deputized sang ahensiya para...
Average Rating