Klase sa tanan nga level sa syudad, balik na sa normal

By: JoMaque l Hulyo 18, 2019, 8:40am

Iloilo City– Ma-resume ang klase sang mga publiko kag pribado nga eskwelahan subong nga adlaw sa syudad.

Ini ang ginkomfirmar ni Mayor Jerry Treñas. Suno kay Treñas, amat-amat na nga nagatawhay ang panahon bangud malayo man ang Bagyo Falcon.

Kahapon, ginsuspender ni Treñas ang klase halin pre-school tubtob Senior High School bangud sang mabaskug nga pag-ulan.

Suno sa alkalde, may klase subong bangud wala pa sang deklarasyon sang suspension of classes halin sa City Disaster Risk Reduction and Management Council ukon CDRRMC.