3 mayors sa probinsya, indi makatambong sa sinapol nga ginpatawag ni PDuterte sa Hulyo 23

By: JoMaque | July 20, 2019, 11:43am

Iloilo City — Indi makatambong sa post-State of the Nation Address ni Presidente Rodrigo Duterte ang tatlo ka mga mayor sa probinsya sang Iloilo.

Ini ang ginkumpirmar ni DILG Provincial Director Teodora Sumagaysay.

Suno kay Sumagaysay, may hospital concern si Janiuay Mayor Ben Margarico samtang may conflict naman sa schedule si Barotac Nuevo Mayor Bryant Paul Biron.

Ginrason naman ni Lemery Mayor Oscar Villegas Jr nga madamo sang kaso sang dengue sa ila banwa rason nga indi siya makatambong.

Ginpahayag ni Sumagaysay nga kinahanglan magsulat ang tatlo ka alkalde sa Bureau of Local Government Supervision para magpaathag.

Matambong naman si Governor Arthur Defensor Jr sa sinapol kay Presidente Duterte.