May 24, 2022

Anay Nurse Supervisor sa Lambunao District Hospital nga naka-base sa Amerika, naghimo sang fundraising drive para sa mga dengue patients

Read Time:57 Second

By: Aine Grace Bravo | July 20, 2019, 7:45PM

via Facebook

Lambunao, Iloilo — Naghimo sang fundraising drive sa mga taga-Lambunao sa abroad ang former Nurse Supervisor sang Dr. Ricardo Y. Ladrido Memorial Hospital nga naka-base subong sa Amerika para sa mga dengue patients sa amu nga ospital.

Sa iya nga Facebook account, una gin-post ni Ms. Ledi Barretto Loot ang sitwasyon sang mga dengue patients kag ila mga bantay sa nasambit nga ospital nga nagagamit sang mosketero samtang nagapanawagan sa mga Lambunaonons nga magbulig ilabe na ang mga yara sa abroad paagi sa pag-donate sa ginhimo niya nga fundraising drive.

Suno kay Loot, may mga pledges na siya nga nabaton pareho sang mga folding beds kag cash.

Luyag man niya nga magbakal sang electric fans para sa mga pasyente kag bantay nga nagagutok sa hallway sang ospital agud indi mainitan.

Nagpanawagan man siya sa mga pumuluyo sa Lambunao nga kun may sobra, mag-donar man bisan pagkaon lang sa mga health workers nga nagaserbisyo sang lagpas sa ila duty hours.

Hulyo 18 sang ginhimo ni Loot ang fundraising drive para sa mga dengue patients.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Karsada sa atubang sang UPV Iloilo kag Iloilo Doctor’s Hospital, ginkabkab; mga motorista, nagreklamo sang pagpugok sang trapiko
Next post (UPDATE) Police Major Ronnie Brillo sang Pototan MPS, nanginwala nga ginsumbag niya sa dughan si Patrolman Joerick Ace Ilisan nga nanghangkat sang tiruhay kag nagpalupok sang pusil