ArchivesLokal

Karsada sa atubang sang UPV Iloilo kag Iloilo Doctor’s Hospital, ginkabkab; mga motorista, nagreklamo sang pagpugok sang trapiko

By: Aine Grace Bravo | July 20, 2019, 7:40PM]

via Aksyon KhenJo Terco

Iloilo City — Nagpugok ang trapiko sa Diversion Road, Mandurriao bangud sang ginkab-kab nga karsada sa tunga sang Iloilo Doctor’s Hospital kag UP Visayas – Iloilo kaina sang aga.

Ginsiraduhan ang duha ka lane sang karsada nga gina-agyan sang mga salakyan halin sa Infante padulong sa Diversion Road, kag ginhimo nga two-way ang duha ka lane nga gina-agyan sang mga salakyan halin sa Diversion Road padulong sa Infante.

Halin sa crossing sang Timawa Avenue, amat-amat man nga ginakabkab ang karsada padulong sa Infante fly-over para sa concreting sang dalan.