Panday, nakuryente sa Jaro, na-ospital

By: Aine Grace Bravo | July 20, 2019, 7:30PM

via Aksyon KhenJo Terco

Iloilo City — Nakuryente ang panday samtang naga-obra sa atop sang balay sa Country Homes, Balabago, Jaro mga las 2 kaina sang hapon.

Ginkilala ang panday kay Fregie Abiador sang Miag-ao.

Suno sa tag-iya sang balay nga si Anthony Baldon, napalid ang sin nga gina-uyatan ni Abiador kag nakatandog sa live wire sang PECO.

Dali-dali man siya nga ginbutong sang upod niya nga panday.

May pilas malapit sa tiyan ang Abiador bangud na-igo sang sin nga iya gina-uyatan pero conscious na sang gindala sa ospital.