(UPDATE) Police trainee nga nagpalupok sang pusil sa Estancia, ipa-idalum sa termination proceedings
By: Aine Grace Bravo | July 23, 2019
via Aksyon Dave Bucayan
Estancia, Iloilo — Ipa-idalum sa termination proceeding ang police trainee nga si Patrolman Edgar John Sulit sang Brgy. Tacbuyan, Estancia.
Kasunod ini sang pagdakup sa iya sang ginreklamo siya nga nagpinalupok sang pusil.
Suno kay PRO 6 Spokesperosn Lt. Col. Joem Malong, temporaryo pa lang ang status ni Sulit, rasun nga mahapos siya kakason kon may paglapas sa kasuguan.
Suno pa kay Malong, sa tion nga nag-take oath ang police trainee, pareho ang iya sweldo sa Patrolman, pero probationary ang iya status.
Ang proseso sa pagkakas sa ila, indi pareho sa regular nga police nga maagi pa sa summary dismissal proceeding suno kay Malong.