ArchivesLokal

City Government, ma-hire sang dugang nga mga doktor, nurses kag med tech agud magbulig sa dengue patients

By: Aine Grace Bravo | July 26, 2019

Via Aksyon KhenJo Terco

Iloilo City — Nagakinahanglan ang siyudad sang dugang nga mga doctors, nurses, kag medical technologists.

Suno kay Mayor Jerry Treñas, ma-hire ang siyudad sang dugang nga 10 ka doctors, 78 ka nurses, kag 12 ka medical technologists nga ipahamtang sa mga barangay health facilities sa siyudad.

Kasunod ini sang pag-deklarar sang state of calamity sa siyudad bangud sa dengue.

Ginapadasig ni Treñas ang pag-procure sang mga kinahanglanon pangontra sa dengue pareho sang fogging kag misting machines agud gilayon nga magamit.

Kun makabakal na sang gamit ang siyudad, sugudan na ang fogging kag misting sa mga eskwelahan.

Ginpahayag ni Treñas nga may coordination na sila sang DepEd nga himuon ang fogging kag misting kun Biyernes para pwede na nga makabalik ang mga estudyante sa ila klase pagka-Lunes.