Full clearing operations sa mga nagasablag sa dalanon sang Iloilo City, suguran sa Hulyo 29

By: Aine Grace Bravo | July 26, 2019

Via Aksyon Jeremae Ventar

Iloilo City — Suguran sa Lunes, Hulyo 29, ang full clearing operations sa mga nagasablag sa dalan sa siyudad nga panguhan sang Task Force on Anti-Squatting and Illegal Structures.

Suno kay Task Force ASIS Head Love Joy Hosenilla, ginpaandaman na nila ang kabaranggayan nga kakason ang mga nagasablag sa dalan subong nga semana.

Mapilitan sila suno sa iya nga kakason ang mga illegal structures kon ila nga maabtan sa Lunes.

Ilakip man sa operasyon ang mga salakyan nga nagasablag sa dalan, lakip na ang mga barangay halls kag tanod outposts nga nagalaksam sa road ride of way.

Ibutang sa Motorpool ukon sa Slaughter House ang mga salakyan nga ila madakpan.

Unahon nila operate ang Alalasan, Lapuz; Aguinaldo sa Lapaz kag Tabuc Suba tubtob Buntatala kag Simon-Ledesma sa Jaro.