Merchandiser, patay sang nakabunggo ang iya motorsiklo sa poste sa Estancia

By: Aine Grace Bravo | July 26, 2019

Via Aksyon Radyo Correspondent Jerry Medina

Estancia, Iloilo — Patay ang merchandiser sa aksidente sang motorsiklo sa Barangay Cano-an, Estancia kaina sang kaagahon.

Ginkilala ang napatay kay Patrick Paul Villarin, 29 sang Barangay Poblacions Zone 1, Estancia.

Sa pagpangusisa ni Police Corporal Rolen Alag sang Estancia Police Station, papuli na halin sa Balasan si Villarin sang nakabunggo sa poste sang ILECO III ang iya motorsiklo.

Gindala pa si Villarin sa Jesus Colmenares District Hospital sa Balasan, pero gindeklarar siya nga dead-on-arrival bangud sang mga pilas sa lawas.