Motorsiklo nagbunggo sa likod sang taxi sa Brgy. Airport, Mandurriao; Driver sang motorsiklo, patay

By: JoMaque | July 27, 2019, 10:12am

Iloilo City  — Patay ang driver sang motorsiklo nga nakabunggo sa nasundan nga taxi sa Barangay Airport kagab-i, Hulyo 26.

Ginkilala ang driver kay Wilfred Toledo sang Rizal Pala-Pala, nga may pilas sa ulo.

Suno kay Police Master Sergeant Alfredo Masamong Jr., Traffic Investigator sang Mandurriao Police Station, nagasunod si Toledo sa taxi nga ginamaneho ni Darwin Agustin sang Barangay Cabugao Viejo, San Enrique sang natabu nga insidente.

Gindala pa sa ospital ang biktima pero gindeklara nga patay.

Gina-imbestigahan pa sang Mandurriao police kun may salab-ton si Agustin sa insidente.